GAUZATU EZ ZEN AUTO BATEN SALEROSKETAN AURRERATUTAKO 500 EUROAK ITZULTZERA ZIGORTUA IZAN DA GARAJE MODERNO

Share on whatsapp
Share on facebook
Share on twitter
Share on linkedin

Joan den irailaren 3an, Vitoria-Gasteizko Lehen Auzialdiko 7. Epaitegiak EKA/ACUV-eko F.J.G.V. bazkideak Ford Focus Berlina Trend bat erosteko aurreratu zituen 500 euroak itzultzera zigortu zuen Garaje Moderno S.A.; salerosketa bertan behera geratu zen kontratuan adostutako finantzaketa ez zelako onartu ez gauzatu.

Epaiketan, enpresak esan zuen aurrerakina itzultzeari uko egiten ziola gure bazkideak “ez zuelako lagundu finantzaketa-eskaeraren izapiderako beharrezko dokumentazioaren ematean” eta ibilgailuaren eskaera egiteak kalte-galerak eragin omen zizkiolako. F.J.G.V.-k aurkakoa argudiatu zuen: enpresak finantzaketaren izapidea oztopatu zuela jada emanda zuen dokumentazioa behin eta berriz eskatuz eta azalpenik eta informaziorik hari ez emanez.

Aldeen arteko desadostasunen aurrean, Epaitegiak kontratuaren 5. hitzarmenaren (“Eskaera-indargabetzea” izenburukoa) 3. atalean idatzitakoari eutsi zion: “Bezeroak finantzatutako erosketa egitea aukeratuta bere eskaera finantza entitateak errefusatuko balu eta hortaz saltzaileari finantzatutako diru-kopurua ezingo balitzaio eman, salerosketa bertan behera utziko da eta saltzaileak hasierako ordainketa itzuliko dio bezeroari”.