Bere bezero guztiei “zordun jarrera erreklamatzeagatik” komisioa kobratzeari uztea Abanca Corporación Bancariari agintzen dion epaia lortu du EKA/ACUV-ek
Espainian banku-komisio bat entitate bati era orokorrean baliogabetzen dion bigarren epai judiziala da (biak EKA/ACUV-ek lortuak) “amaitze-ekimen” baten ondorioz.
Vitoria-Gasteizko Merkataritza-Arloko 1. Epaitegiak eman zuen epaia urriaren 6an, EKA/ACUV-ek ere “amaitze-ekimen” bat aurkeztuta iazko ekainaren 17an Kutxabanken aurka oso epai antzekoa, ea berdina, eman zuen epaitegi berbera. Kutxabankek errekurtsoa jarri zuen Arabako Probintzia Auzitegiaren Lehen Sekzioan eta honek, abenduaren 30an, lehen epaia berretsi zuen. Ebatzi horren aurka Kutxabankek Auzitegi Gorenean aurkeztu zuen errekurtsoa.
Epaia PDFn: SENTENCIA ABANCA NÚMEROS ROJOS
Urriaren 6an Vitoria-Gasteizko Merkataritza-Arloko 1. Epaitegiak EKA/ACUV-ek aurkeztutako eskaerari erantzunda Abanca Corporación Bancariaren aurka emandako epaiak Zordun Jarreren Erreklamazioagatik entitate horrek komisio bat kobratzeari buruz hauxe dio: “abusuzko jardutea da, kontsumitzaileen eta erabiltzaileen babesteko araudiaren aurkakoa”. Eta: “Kobratze hori iturria den klausula baliogabea da”. Baliogabetutako komisio hori kontu korronte eta mailegu kontratuetan dago eta 35 eurokoa da. Ondorioz, aipatu epaitegiak Abancari komisio hori kobratzeari betiko uztea agintzen dio eta epaiketaren kostuak ordaintzea ere bai.
Azaldu epai bietan espresuki esaten ez bada ere, EKA/ACUV-ek ebazpen horiek aldez aurretik komisio hori ordaindu duten Kutxabankeko eta Abancako bezeroei ordaindutakoaren itzulpena erreklamatzeko ahalbidea ematen diela ulertzen du. Izan ere, epaile batek klausula bat baliogabetzen duenean legeak agintzen duena da klausula hori inoiz existitu izan ez balitz bezala jo behar dela eta klausularen aplikazioaz egin dena desegin behar dela.
——————————————————-
“Arabako Probintzia Auzitegiak ‘zenbaki gorriengatiko’ komisiogatik Kutxabanken aurkako epaia berretsi du”: https://www.eka.org/la-audiencia-provincial-de-alava-ratifica-la-sentencia-contra-kutxabank-por-la-comision-por-numeros-rojos/